Ek chaah hai.....

Ek chaah hai,kabhi kuch aisa likha jaaye......
Jise aati jaati saagar ki lahar gungunaaye...

Jise sun ke sab soche,ye unki kahaani hai....
Jise gaa ke maa apne bachchon ko sulaaye.....

Jo naya lage hardum,har dard ka ho marham....
Jo ban ke hansi ka phool,labon pe bikhar jaaye.....

Jisme sachhai ho dua ki aur masoomiyat haya ki....
Jo nikalte hi jubaan se hawa me ghul jaaye...

Jisme na koi had ho lekin ek maqsad ho....
Jo diya ban k har andheri raah me jal jaaye....

Ek chaah hai,kabhi kuch aisa likha jaaye......
Jise aati jaati saagar ki lahar gungunaaye...

Yaadon ki hawa halki-halki.....

Yaadon ki hawa halki-halki,aankho me boondein phir chhalki.......
dil ke jaane kis kamre se, laaya dard utha k baatein kal ki.......

baithe-baithe yu hi humne, kal waqt ki raakh kuredi jab...
maddhim si ek aag ishq ki , dekhi usme humne jalti......

ya khuda,bata tu hi mujhko,kab tak ye aag barsegi...
kyun bujhta nhi gum ka suraj,kyun shaam kabhi nahi dhalti.....

tumhe jaate hue nahi roka,afsos mujhe ye ab tak hai......
meri kalam bhi ye khamosh rahi,jo baat-baat me hai chalti..

Vedna

dil bhaagta hai sapno ke peechhe peechhe.....

iski naadaani na samajh paya mai

saamne gulsan tha,phool bikhare the....

kaante daaman me bhar ke laaya mai.....


meri zindagi ka haal mat poochho...

ashqon ki jheel pighal jaayegi...

sitaare aayenge daastaan sun ne....

baaton me raat nikal jaayegi....


khojne se bhi mujhe milta nahi....

dil me kahi chubha ek khanjar hai...

fekte hain log tezaab sach ke chehre pe...

dekha jaata nahi ye khaufnaak manjar hai....


aag lahu me ab kisi ke nahi....

sabki ragon me bahta paani hai...'

hai kaun jo sar utha k baat kare....

sabki aadat hi jab gulaami hai...


imaan aur gairat ki baat karne waalo...

jaao kahi aur jaa ke ye bakwaas karo...

sab ko aaraam se sone do is dunia me.......

apne liye koi aur dunia tum talaash karo...






logon ke khoon ki syaahi se...

itihaas tarakki ka likha jaata hai...

har roz dunia ka bazaar yahan lagta hai...

har roz insaan khud ko bech aata hai....






ya khuda,de de mujhe tu dojakh hi....(dojakh-hell)

is dunia se ab tang aaya mai.....

saamne gulsan tha,phool bikhare the....

kaante daaman me bhar ke laaya mai.....